Sandro G.

Kommentar

Vorwort:
Team Ninja hett echt de Vogel abgschosse.. die guete sache vom vorgänger sind all entfernt worde.. Du chasch weder dini Waffe no suscht was Upgrade, und achja, du hesch nur ei Waffe.. Und ez isch grad na vo dene en DLC akündigt worde, wo du dir chasch Waffe dezue CHAUFE, ja Chaufe.. zahlsch zersch s'Game und dörfsch denn namal Geld ufe tisch legge, damit s'gliche hesch wod im Vorgänger scho gha hesch. Echt dreist sowas, und die Combos vo dene DLC Waffene sind 1zu1 vom vorgänger überekopiert worde.

zum Gameplay:

Total überarbeiteti Combos (halt nur fürs Katana) Gameplay gfallt mer guet, aber das usem vorgänger isch besser gsi. Vorallem mit de Instant Kills wod chasch mache isch guet glunge, chönt aber nachli Bluetiger si (so wie Ninja Gaiden 2 für Xbox360) Grafik gseht au schön us, und Gegner sind abwechsligsriich, jedoch sind es paar gegner eifach per copy paste überegna worde vom vorgänger. Zuedem isch mer echli Igschrenkt im Gameplay, es isch ziemli vorussehbar waser als nöchschts macht, chan eigentli nöd viel selber mache. Story isch minere meinig ned eso glunge, aber i denke, bi soneme Game isch d'Story eigentli nebedsächlich. Trials womer sich denn freispiele chan, sind echt guet, und mached spass. Zum Multiplayer chani leider na nüt säge, hani nur uf Videos gseh, wiener usgseht, will de Online Pass nanig funktioniert ide EU.